مشكله في سيارتي لها فوق السنه ونصف

إذا المكينة ترج على لفة الدركسيون افحص الدينامو
و افحص الضو العالي و البطارية مفصولة يبين معك انشالله ضعف الدينامو.

طيب ماخذت ضمان على المكينه ؟؟؟ غريبه ماعطوك ضمان

ومشكلتك شكلها بنزين او يمكن تكون الظفيره اللي تحت تتحرك من مكانها ويطفى الموتر قد صارت معي في لينكولن 1998 

بس الواضح من كلامك ان الموتر فيه رجه وتفتفه فهذي ممكن هي سبب الطفيه لان بعض الاحيان تكون البخاخات متسدده او بعض الاحيان يكون صفاي البنزين متوسخ مره وما يوصل بنزين كافي للسياره 

بصراحه مشكلتك لها حلول كثيره فالافضل توديه لهم وهم بيعطوك العلم الاكيد 

السلام عليكم 1 غير اصابع البطاريه وذي حقيقه وصارت معي 2 غير فلتر بنزين 3 اكشف على طرمبت البنزين 4 اطشف كمبيوتر اذا من اي حساس راح يبان ببصاطه .وسلامتك.

توني مغير الدينمو بجديد مو مجدد هذي المشكله كأنها مشكلة هواء ما يمر على الماكينه زين وشكرا على الرد والله يرحم والديك

يا اخوان اي مشكله في الحساسات او الكهرباء ابسط شيء يظهرها كشف الكمبيوتر لان الاعطال الميكانيكيه لايظهرها الكمبيوتر اكشف ب__100وشف

السياره مافيها تفتفه بالعكس الماكينه نظيفه ماشاء الله ومامشت كثير بعكس ماكينتي الأولى اللي قطعت فوق ال 300 ألف كيلو 

مشكورين على الردود والله يرحم والديكم وشكلي بفحص بس قلت يمكن حد يعطيني الحل اليقين وأوفر 100 ريال عشان تعرفون الأحوال شوي صعبه هالأيام ولحد ياخذ قرض إذا مو محتد عليه نصيحه  xD

طيب والرجه اللي تقول عنها بالدي ؟؟ هذي ترا يمكن تكون كراسي مكينه ويمكن تكون فعلا من البخاخات 

انا ليه قل كراسي مكينه ؟؟ لان الكراسي اذا كانت مرتخيه وحطيتها بالدي يزيد الحمل على الكراسي فترج في الوقفه ولما تمشي تخف لان قل الحمل عليها

فالافضل انك تشيك عند فحص متخصص في الفورد وان شاء الله راح يفيدك وانتظر اخونا شاقح 

ياخوك الحال من بعضه والله بس عشان ما أحد يتفلسف عليك من هالعماله ويستنزف منك فلوس وفي الاخير تبقى المشكله مثل ماهي دون حل وتكون خسرت مبالغ وقدرها ...

ممكن تدري ليش يوم ركبولي الماكينه ركبوها بشغل مشي حالك خربولي الدينمو والكمبروسور خربوه ونسوا يشبكونه ف الكهربائي ولف سلك للبطاريه على طول ممكن بعد تكون كراسي الماكينه ركبوها بعد شغل مشي حالك 

تنظيف بخاخات يمكن مغبر فنظفه عند محلات الكهرباء

بطول عليك اخوي وتحملني
انا مالي خبره ورديت عليك عشان الدعوه الحلوه 
وبعطيك رايي وان شاء الله تتيسر امورك وتتيسر امورنا جميعا
وتصلح السياره 

شف 
انا بعطيك رايي من خلال مشكله في الددسن 
طبعا ما اعرف في الفوردات ولا خرباته

لكن يمكن تكون نفس المشكله 

المشكله هي

اذا مشيت واخذت لفه وثقلت النمره ودعست تقطع 
بس ما تطفى 

واذا جيت مسرع في طريق طويل وقدامي منعطف وسرعتي 100 او حولها
ورفعت رجلي من البنزين الله يكرمكم وانا قاص اللفه ورجعت ادعس 
تقطع ثانيه او ثانيتين الين او حتى يرجع الدركسون لقدام ويكون سيده

لحد يقول ما اعرف وزنية الكلتش 
السياره تحت رجلي من 4 سنوات 

المهم مالقيت حل 
نظفت كلبليتر وغيرته 

ظربت المكينه الاولى وغيرتها 
ونفس المشكله 

وزنت ديلكو بالمسدس ونفس المشكله
غيرت صفايه وبواجي ونفس المشكله 

غيرت طرمبه البنزين ثلاث مرات ونفس المشكله 

المهم تعبت 

الين طلعت مشكله جديده 
اذا طلعت طلعه وما شديتها تقطع وتطفى 

او اذا وقفت في طلعه وخشم السياره لفوق تطفى 

وطبعا كانت المشكله من الطرمبه 

وقد غيرتها عند كهربائي 
مرتين وما زبطت 

وديت السياره لميكانيكي
وقت له مشكله الطرمبه 

والتقطيع تعودت عليه لانها ما يظهر واجد

وقال بصفي لك المكينه 

قلت يلله 
غير فلتر هواء 
وغير طرمبة بنزين 
وبواجي 
وكويل 
ووزن بلوف 

وغير اسلاك البواجي وكنت شاك فيها بدرجة كبيره 

الخلاصه 
السياره ولله الحمد معد قطعت ولا شي 
واستجابتها ممتازه للدعسه 
فتحليلي ان 
اسلاك البواجي مع الالتفاف ومع ضعف الاسلاك لانها اسلاك البلد
ترخي او يضعف توصيل الاشاره 
بكذا تقطع 


اتمنى اني افدتك
والمعذره على التاخير

المهم لاتعبي بنزين أخضر

الله يجزاكم خير ويرحم والديكم لكل من علق وحاول يساعد أنا اليوم بركب كفرات كفراتي رايحه في أهلها والشهر الجاي بفحص كمبيوتر وأشوف لأني طفشت من هالطفيه وشكرا جزيلا لكم ^___^

والله سبق وصارات لي اذا انا ميوس ولاف الدركسون وجيت ادعس تطفى وصلحها لي باكستاني ونسيت وشهي منه واتذكر قالي بسبب منظم مدري شنو

شوف من ناجيه السيارة اذا طفت 

اذا طفت وفصلت اللمبات والانوار   وانوار الطبلون وكل شي وماتدق سلف    وتقعد حق ابو دقيقه ثم تشتغل هذا اصابع البطارية نظفها من الكربون او غيرها اذا احتاج ذلك